Недела
28. јануари
1. НАЗНАЧЕН ЗА ПРВОСВЕШТЕНИК
а. Која била функцијата на првосвештеникот во времето на Стариот завет? Евреите 5:1,2.
„Првосвештеникот требаше на посебен начин да го претставува Христа“. ¬– The SDA Bible Commentary [E. G. White Comments], vol. 5, p. 1100.
б. Со кој ред на свештенство бил поврзан Христос - и што значи Неговото свештенство за нас? Евреите 5:5,6,10.
„Со тоа што станал Првосвештеник, Христос не се воздигнал, ниту се прославил Себеси. Самиот Бог го поставил и му го оставил во аманет свештенството. Тој требаше да биде пример за целото човештво. Тој се квалификувал и прифатил да биде не само претставник на човечкиот род, туку и негов Застапник, така што секој поединец, ако сака, може да каже: Имам Пријател во небесните дворови. Тој е таков Првосвештеник кој може да биде трогнат од чувството на нашата слабост и немоќ“. ¬– The SDA Bible Commentary [E. G. White Comments], vol. 7, p. 930.
„Да се потсетиме дека нашиот голем Првосвештеник посредува пред престолот на милоста во име на Својот откупен народ. Тој живее вечно за да посредува за нас“. ¬– The SDA Bible Commentary [E. G. White Comments], vol. 5, p. 948.
Понеделник
29. јануари
2. МЕЛХИСЕДЕК
а. На кој начин Мелхиседек беше претслика на Христос? Создавање 14:18; Евреите 7:1-4.
„Бог никогаш не се оставил Себеси без сведоци на земјата. Едно време Мелхиседек лично го претставуваше Господ Исус Христос, за да ја открие небесната вистина и да го овековечи Божјиот закон“. ¬– The SDA Bible Commentary [E. G. White Comments], vol. 1 p. 1092.
„Преку Мелхиседек зборувал самиот Христос, кој бил свештеник на Севишниот Бог. Мелхиседек не беше Христос, но тој го претставуваше гласот Божји во светот и беше претставник на Отецот“. ¬– The SDA Bible Commentary [E. G. White Comments], vol. 5, p. 1093.
б. Зошто Христос не можеше да биде Првосвештеник на земјата? Евреите 7:14-17.
„Со тоа што станал Првосвештеник, Христос не се воздигнал, ниту се прославил Себеси. Самиот Бог го поставил и му го оставил во аманет свештенството. Тој требаше да биде пример за целото човештво. Тој се квалификувал и прифатил да биде не само претставник на човечкиот род, туку и негов Застапник, така што секој поединец, ако сака, може да каже: Имам Пријател во небесните дворови. Тој е таков Првосвештеник кој може да биде трогнат од чувството на нашата слабост и немоќ“. ¬– The SDA Bible Commentary [E. G. White Comments], vol. 7, p. 930.
„Исус служи во присуство на Бога, принесувајќи ја Својата пролеана крв, како Јагне заклано за гревовите на светот. Тој принесува жртва за секој престап и недостаток на грешникот“. ¬– The SDA Bible Commentary [E. G. White Comments], vol. 6, p. 1077.
в. Како Христос се подготвил да стане наш милостив Првосвештеник? Евреите 5:7,8.
„Градот бил обвиткан со тишина, учениците се вратиле во своите домови за да се освежат со сон, но Исус не спиел. Тој од Маслинската Гора упатувал на Својот Татко божествени молитви да ги сочува Неговите ученици од злото влијание на кое секојдневно наидуваат во светот, да ја зајакне Неговата сопствена душа и да Го зајакне за должноста и неволјите на утрешниот ден. Додека следбениците спиеле, нивниот божествен Учител се молел цела ноќ. Ноќната роса и слана паѓале на Неговата глава наведната во молитва. Неговиот пример треба да им послужи на Неговите следбеници“. ¬– 2 Сведоштво, 508.
„Христос, Војводата на нашето спасение, станал совршен низ страданието. Неговите следбеници многу пати ќе мора да се борат со непријателот и ќе бидат изложени на тешки искушенија, но тие не треба да очајуваат. Христос им упатил зборови на охрабрување: ‘Не плашете се, зашто Јас го победив светот’“. ¬– 8 Сведоштво, 212.
Вторник
30. јануари
3. СПАСЕНИ ЗА ПОСЛУШНОСТ
а. Можеме ли да се спасиме ако избереме да бидеме непослушни? Објаснете. Матеј 1:21; Евреите 5:9.
„Овде се наведени условите под кои секоја душа ќе биде одредена за вечен живот. Вашата послушност кон Божјите заповеди ќе го докаже вашето право на наследство со светите во светлина. Бог го поставил стандардот за совршенство на карактерот; и на секој кој, со Христовата милост, ги исполнува стандардите на Неговите барања, влезот во царството на славата ќе му биде широко отворен. Сите што сакаат да го достигнат овој стандард на карактерот ќе мора да ги користат средствата што Бог ги дал за таа цел. Ако сакате да го наследите спокојот кој им е оставен на Божјите деца, морате да станете Божји соработници. Ти си избран да го носиш Христовиот јарем - да го носиш Неговото бреме, да го издигнеш Неговиот крст. Треба да бидете вредни за „да го зајакнете вашиот позив и избор“. Пребарајте го Светото писмо и ќе видите дека ниту еден син или ќерка на Адам не се избрани да бидат спасени во непослушност кон Божјиот закон. Светот го презира Божјиот закон; но христијаните се избрани да бидат посветени со послушност кон вистината. Тие се избрани да го носат крстот, ако сакаат еден ден да ја носат круната”. ¬– Fundamentals of Christian Education, p. 125.
б. Какво сведоштво дал Петар пред советот на Синедрионот и што нè учи ова искуство? Дела 5:29-32.
„Не треба да се распрашуваме: Каква е практиката на луѓето или, каков е обичајот на светот? Не треба да прашуваме, како да постапувам за да добијам одобрувањето од луѓето или, што ќе толерира светот? Прашањето кое е најважно за секоја душа е: Што вели Господ? Треба да ја читаме Божјата реч и да ја слушаме без да отстапуваме ниту една цртичка од нејзините барања, без оглед на човечките традиции и права на кои често се повикуваме”. ¬– The SDA Bible Commentary [E. G. White Comments], vol. 6, p. 1056.
„Кога се проучува и извршува, Божјата реч влијае врз срцето, покорувајќи ја секоја несвета особина. Светиот Дух доаѓа да го осуди гревот и верата, која извира во срцето, работи со љубов кон Христа, помагајќи ни со телото, со духот и душата да стануваме слични со Него. Тогаш Бог може да нѐ употреби да ја вршиме Неговата волја. Силата што ни е дадена дејствува одвнатре, гонејќи не на другите да им ја објавиме вистината што ни е откриена”. ¬– Христовите поуки, 100.
Среда
31. јануари
4. НАПРЕДУВАЊЕ КОН ЗРЕЛОСТ
а. Опишете ја тажната состојба на многумина кои се изјаснуваат како верници. Евреите 5:11-13.
„Павле не можеше да им зборува на еврејските преобратеници толку јасно како што сакаше за тајната на побожноста. Поради нивната духовна слабост, нивниот недостаток на духовна перцепција, тој не можеше да ја изговори вистината, која, доколку правилно ја разбраа и послушаа, за нив ќе беше мирис на живот за живот”. ¬– The SDA Bible Commentary [E. G. White Comments], vol. 6, p. 1085.
„Затоа што било неопходно, својот начин на проповедање Павле го прилагодил на околностите и состојбата што постоела во црквата. ‘Јас, браќа, не можев да ви зборувам како на духовни’, им објаснувал тој подоцна, ‘туку како на телесни, како на деца во Христа. Со млеко ве напоив, а не со тврда храна, зашто уште не сте способни да ја примите. А ни сега не сте способни’ (1 Коринтјаните 3:1,2). Мнозина од верниците во Коринт мошне бавно ги примале поуките што тој настојувал да им ги упати. Нивното напредување во духовното сознание не било сообразено со нивните предимства и со нивните можности. Иако мнозина веќе многу напредувале во христијанското искуство и биле способни да ги сфатат и во живот да ги применат подлабоките вистини на Божјата реч, тие стоеле таму каде што се наоѓале учениците кога Христос им рекол: ‘Имам уште многу да ви кажам, но сега не можете да поднесете’ (Јован 16:12). Поради зависта, сомничењето и взаемните обвинувања, срцата на многу верници во Коринт се затвориле, така што Светиот Дух, кој ‘испитува сè , па дури и Божјите длабочини’ (1 Коринтјаните 2:10), не можел во полна мера да дејствува во нив. Колку и да биле мудри во световното знаење, тие во познавањето на Христа биле само малечки деца”. ¬– Делата на апостолите, 270,271.
б. Како да напредуваме кон христијанско совршенство, и каков благослов ги чека сите што го прават тоа? Евреите 5:14; 6:1 (прв дел); 1. Јованово 3:18; Осија 6:3.
„Црквата како целина никогаш нема да го прими доцниот дожд, освен ако не ја отфрли секоја завист, злите претпоставки и злите зборови. Оние кои негувале омраза во срцето додека таа не зајакне и не стане дел од нивниот карактер, мора да имаат поинакво искуство ако сакаат да имаат учество во доцниот дожд”. ¬– The Home Missionary, August 1, 1896.
Четврток
1. февруари
5. СТАНЕТЕ СЛИЧНИ НА ХРИСТА
а. Опишете ја Божјата цел за Неговите деца. Филипјаните 3:12-16; Откровение 3:18-21.
„Божјиот идеал за Неговите деца е повисок од највисоката точка до која човечката мисла може да достигне. Побожноста - сличноста со Бога - тоа е целта што треба да се постигне”. ¬– Воспитување, 18.
„‘Бидете совршени, како што е совршен вашиот небесен Татко’. Таа заповед е и ветување. Планот на откупување го прави возможно нашето целосно избавување од силата на сатаната. Христос секогаш ја одвојува покајничката душа од гревот. Тој дошол да ги уништи делата на сатаната и овозможил Светиот Дух да биде даден на секоја покајничка душа за да ја чува од грешење”. ¬– Копнежот на вековите, 311.
„ Верниот Сведок ги охрабрува сите кои се обидуваат да одат по патот на скромната послушност, преку вера во Неговото име. Тој изјавува: ’На оној што победува, ќе му дозволам да седне со Мене на Мојот престол, како што и Јас победив и седнав со Отецот Свој на Неговиот престол’. Ова се зборовите на нашиот Заменик и Гарант. Тој, како божествен поглавар на Црквата и моќен Победник, сака да им укаже на Своите следбеници на Неговиот живот на самоодрекување, Неговите борби и страдња, постојан презир, отфрлање од страна на луѓето, потсмевање, навреди и исмејување и конечното распнување на Голгота, за да можат да бидат охрабрени да ја продолжат борбата додека не стигнат до целта и ја примат наградата на победникот. Победата се обезбедува преку вера и послушност.
Дозволете ни да ги примениме Христовите зборови на нашите индивидуални случаи. Дали сме сиромашни и слепи, бедни и проколнати? Тогаш да ја бараме златната и белата облека што Тој ја нуди. Делото на совладување не е ограничено само на вековите на мачениците. Борбата е нашиот удел во овие денови на лукаво смислени искушенија: љубов кон светот, стремеж кон лична сигурност, попуштање на гордоста, алчноста и страста, лажните учења и неморалното живеење”. ¬– The SDA Bible Commentary [E. G. White Comments], vol. 7, p. 966.
Петок
2. февруари
ЛИЧЕН ПРЕГЛЕД НА ПРАШАЊАТА
1. На која позиција, покрај Првосвештеник, Бог го поставил Христос?
2. Што е значајно за Мелхиседековото свештенство?
3. Како послушноста кон Божјото слово е поврзана со нашето примање на Светиот Дух?
4. Наведете некои од потребните услови за примање на доцниот дожд.
5. Што треба да сфатиме за Божјата цел за нас и како таа цел се постигнува?