Недела
31. декември
1. БОЖЈО ОБРАЌАЊЕ
а. После падот во грев, како Бог разговарал со нашите предци? Евреите 1:1; 2. Петрово 1:21.
„Пред да се појави гревот, Адам уживал во лична комуникација со својот Творец, но откако човекот преку престапот се одделил од Бога, човечката раса е лишена од оваа голема привилегија. Меѓутоа, со планот на спасението отворен е пат, преку кој жителите на оваа земја можат и понатаму да одржуваат врска со небото. Со посредство на Својот Дух, Бог комуницирал со луѓето, а божествената светлина на светот му била упатувана преку откровенија дадени на Неговите избрани слуги. ‘Светите Божји луѓе зборувале поттикнати од Светиот Дух’ (2. Петрово 1:21)“. – Големата борба, 5.
б. Како Бог се открива во овие последни денови? Евреите 1:1,2; Јован 14:8,9.
„Создателот на човекот, Оној кој на планината Синај го објави вечниот закон, во Својата умирачка агонија го оправда Своето право да простува престапи и гревови“. – The Review and Herald, August 26, 1909.
Понеделник
1. јануари
2. ХРИСТОС, ОТЕЦОТ И АНГЕЛИТЕ
а. Каков е односот меѓу Христос и Отецот? Евреите 1:3; Јован 10:30.
„Како лично битие, Бог се открил во својот Син. Како сјајот на славата на Отецот, ‘и одраз на Неговото битие’, Исус, како личен Спасител, дојде на овој свет. Како личен Спасител Тој се вознесе на небото. Како личен Спасител Тој посредува во небесните дворови“. – The Faith I Live By, p. 40.
„Христос бил видлив израз на ликот и битието на Отецот. Тој дојде во нашиот свет за да го обнови во човекот моралниот лик Божји, така што човекот, иако паднат, може, преку послушноста на Божјите заповеди, повторно да го одразува Неговиот божествен лик и карактер - убавината на божествената светост“. – The SDA Bible Commentary [E. G. White Comments], vol. 7, p. 921.
б. Каква е Христовата положба во однос на ангелите? Евреите 1:4-6.
„Првото поглавје од Евреите ја разликува положбата на ангелите и положбата на Христос. Бог кажал зборови за Христа кои не треба да се применуваат на ангелите. Тие се ‘испратени да им служат на оние што ќе го наследат спасението’, но Христос, како Посредник, е големиот Првосвештеник во делото на откупувањето. Светиот Дух е Негов претставник во нашиот свет, да ја изврши божествената цел да му донесе на паднатиот човек сила одозгора, за да стане победник. Сите што влегуваат во завет со Исус Христос преку посвојување стануваат Божји деца. Тие се очистени со обновувачката сила на Словото, а ангелите се задолжени да им служат“. – The SDA Bible Commentary [E. G. White Comments], vol. 7, p. 921.
„Кога ангелот Гаврил би бил испратен на овој свет за да ја прими човечката природа и да им го открие на луѓето знаењето за Бога, со колку нетрпение луѓето би го слушале неговото учење! Да претпоставиме дека може да ни даде совршен пример за чистота и светост, сочувствувајќи со сите наши таги, загуби и страдања, поднесувајќи ја казната за нашите гревови, колку желно би го следеле! Колку ќе биде возвишен...
Но, Оној кој е повисок од сè што можеме да замислиме, дојде од небото на овој свет. Пред речиси 2.000 години од Божјиот престол се слушна глас со чудно и мистериозно значење: ‘Жртви и дарови Ти не посака, а тело Ми приготви... Ете, идам, Боже, да ја извршам волјата Твоја’“. – Lift Him Up, p. 34.
Вторник
2. јануари
3. „ТИ СИ МОЈ СИН“
а. Што прорекол псалмистот за Исус Христос? Псалм 2:7. Кога и како се исполнило ова пророштво?
I. При Неговото воплотување. Евреите 1:6.
II. При Неговото крштевање. Матеј 3:16,17.
III. При Неговото воскресение. Дела 13:33; Колосјаните 1:18; Откровение 1:5.
IV. Неговото свештенство. Дела 2:33; Филипјаните 2:9; Евреите 5:5,6.
б. Како Отецот му се обраќа на Синот? Евреите 1:7-13.
„(Евреите 1:4-12 цитат). На овој јазик е прикажана семоќноста на Господ Исус. Тој е претставен пред библискиот читател како Творец на светот и бил негов законски Владетел. (Евреите 1:13,14 цитат)“. – The SDA Bible Commentary [E. G. White Comments], vol. 7, p. 921.
в. Кој е единствениот на кого треба да му се поклониме? Матеј 4:10.
„Сатаната побарал од Христос да му даде доказ дека е Син Божји, и во овој случај го добил доказот што го побарал. По Христова божествена заповед, тој бил принуден да се покори. Тој беше одбиен и замолчен. Тој немаше сила да се спротивстави на присилното отпуштање. Тој беше принуден веднаш, без збор, да замине и да го напушти Спасителот на светот“. – Confrontation, p. 54.
г. Кога пророкот Јован сакал да му се поклони на ангелот Гаврил, какво предупредување добил од ангелот? Откровение 19:10; 22:8-10.
д. Зошто Исус прифатил да му се поклонуваат? Матеј 8:2,3; Евреите 1:8-10.
„Тогаш се слушнал Божјиот глас, Кој објавил дека правдата е задоволена. Сатаната е победен. Христовите следбеници кои се борат и мачат на Земјата, се ‘примени во Возљубениот’ (Ефесјаните 1:6). Пред небесните ангели и пред претставниците на безгрешните светови, тие се прогласени за оправдани. Каде што е Христос, таму ќе биде и Неговата црква. ‘Милоста и вистината ќе се сретнат, правдата и мирот ќе се прегрнат’ (Псалм 85:10). Таткото Го прегрнал Својот Син и била искажана Речта: ‘Нека Му се поклонат сите Божји ангели’“ (Евреите 1:6). – Копнежот на вековите, 834.
Среда
3. јануари
4. НЕБЕСНИ АНГЕЛИ, БОЖЈИ СЛУГИ
а. Која е задачата на Божјите ангели во однос на верниците? Евреите 1:14.
„Службата и помошта на небесните ангели се неопходни за да и се даде моќ и делотворност на црквата во овој свет. Божјото семејство на земјата, изложено на искушенија и неволји, е многу блиску до Неговото срце преполно со љубов. Тој наредил да се одржува комуникација помеѓу небесните суштества и Неговите деца на оваа земја. Тој ги испраќа Своите ангели од небесните дворови да им служат на оние што треба да станат наследници на спасението, оние кои, како верни воини, учествуваат во Христовите страдања. Христос е претставен како Оној кој престојува меѓу Неговиот народ. Тие мора да се хранат на време. Поради оваа причина е воспоставена врска меѓу нив и црквата на небото. Бог се грижи за Своите човечки суштества како што лозарот се грижи за лозјето“. – The Signs of the Times, February 14, 1900.
б. Што им е ветено на оние кои се бојат од Господа? Псалм 34:7.
„Сето небо будно ја следи борбата што ја водат Божјите слуги на земјата под навидум обесхрабрувачки околности. Кога христијаните, собрани под знамето на Спасителот, водат праведна борба на верата, постигнуваат нови победи и стекнуваат нови почести. Сите небесни ангели се ставаат во служба на понизниот и верен Божји народ. И кога борците во делото Господово овде на земјата пеат похвална песна, ним им се придружува небесниот хор во хармонично оддавање на чест и слава на Бога и на неговиот Син.
Мораме подобро отколку до сега да ја сфатиме мисијата на ангелите. Би било добро да имаме на ум дека со секое вистинско Божјо дете соработуваат небесни суштества. Невидливите војски на светлината и силата им помагаат на понизните верници кои се потпираат врз Божјите ветувања. Од десната страна на Семоќниот стојат херувими и серафими и ангели со исклучителна сила: ‘Нели се тие сите служителски духови, испратени да им служат на оние што ќе го наследат спасението’ (Евреите 1:14). – Делата на апостолите, 154.
„Кога станувате наутро, дали ја чувствувате вашата беспомошност и потребата од божествена сила? Дали понизно и срдечно му ги кажувате своите потреби на вашиот небесен Татко? Ако е така, тогаш ангелите ги забележуваат вашите молитви, и кога тие молитви не потекнуваат од лажни усни, кога се наоѓате во опасност несвесно да згрешите и да извршите влијание што ќе ги наведе другите да прават лошо, вашиот ангел чувар ќе биде покрај вас и ќе ве упати на подобар пат, избирајќи ги зборовите за вас и влијаејќи на вашите постапки“. – Messages to Young People, p. 90.
Четврток
4. јануари
5. МОЌНИ НЕБЕСНИ ВОИНИ
а. Каков предизвик поставил Сенахирим, асирскиот цар, пред Езекија, јудејскиот цар? Исаија 36:1-8.
„Бог бил единствена надеж на Јудиното царство. Од Египет не можело да се очекува помош, а во близина немало ниеден друг народ кој би им пружил пријателска рака.
Потпирајќи се на силата на својата дисциплинирана војска, асирските заповедници договориле средба со јудејските заповедници и во таа прилика дрско побарале да им се предаде градот. Барањето било пропратено со хулење на Израеловиот Бог. Заради слабостите и отпадништвото на Израел и Јуда, народите повеќе не се плашеле од Божјото име, туку хулеле на Него (Види Исаија 52:5)“. – Пророци и цареви, 352.
б. Кога на Божјиот народ му се закануваше уништување од асирската војска, каде Езекија побарал помош? Исаија 37:1-5; 2. Летописи 32:20.
в. Како Господ одговорил на молитвите на Своите деца во ова тешко време? 2. Цареви 19:6,7; Исаија 37:6,7.
„Бог ја услишил молитвата на Својот слуга. На Исаија му била дадена вест за Езекија: ‘Господ вели вака: Не бој се од зборовите што ги чу кога слугите на асирскиот цар Ме хулеа Мене. Ќе вдахнам во него дух, и кога ќе чуе една вест, ќе се врати во својата земја. И ќе направам да загине од меч во својата земја’“ (2. Царевите 19:6,7). – Пророци и цареви, 354.
г. Колку ангели употребил Господ за да го порази гордиот асирски цар? Исаија 37:36-38; 2. Летописи 32:21.
„Истата таа ноќ дошло ослободувањето“. – Пророци и цареви, 361.
Петок
5. јануари
ЛИЧЕН ПРЕГЛЕД НА ПРАШАЊАТА
1. Објасни како Создателот на небото зборува со човечкиот род на земјата.
2. Наведи ги значајните разлики помеѓу Христос и ангелите.
3. Што е откриено за односот помеѓу Отецот и Синот?
4. Зошто треба да им бидеме благодарни на светите ангели?
5. Што можеме да научиме од кризата со која се соочил Езекија?