እሁድ
ጥር 28
1. የማይለወጥ ፈጣሪ
ሀ. ክርስቶስ የሰው ልጅ ሆኖ በዚህ ምድር ሲኖር ከእግዚአብሔር የሥነ ምግባር ሕግ ጋር ስላለው ግንኙነት ምን ማስተዋል አለብን? ማቴዎስ 5:17፣ 18
ለ. የሕጉን ውጫዊ አከባበር በተመለከተ የአይሁድ መሪዎች ምን ያህል ልዩ ነበሩ? ማቴዎስ 23:23፤ ፊልጵስዩስ 3፡4
[የአይሁድ መሪዎች] ቅዱስ ለመምሰል መንፈሳዊ ቅንዓት ነበራቸዉ፤ ነገር ግን የልብን ቅድስና ችላ አሉ። ሕግ አክባሪዎች በመምሰል አክራሪዎች ሲሆኑ የሕጉን መንፈስ ግን ዘዉትር ይሽሩት ነበር። ትልቁ ፍላጎታቸዉ ክርስቶስ ለኒቆዲሞስ ይገልጽለት የነበረዉ ለዉጥ ነበር፤ ይህም አዲስ የግብረገብነት ልደትን፤ ከኃጢአት መጽዳትን፤ የእዉቀትና የቅድስና መታደስን ያካትታል።”—የዘመናት ምኞት፣ ገጽ. 161
ሐ. የሱስ ሕግን የሚጥስ እንዳልነበር ከሚገልጸው የፍርድ ሂደቱ ጋር በተያያዘ ምን ልንመለከት እንችላለን? ማቴዎስ 26:59፣ 60
አዳኙም ሆነ ተከታዮቹ የሰንበትን ህግ አልጣሱም። ክርስቶስ ሕያው የሕግ ወኪል ነበር። የቅዱስ ትእዛዛቱን መጣስ በሕይወቱ ውስጥ አልተገኘም። እርሱን የሚኮንኑበት ምክንያት የሚሹትን ሕዝብ ተመልክቶ ማንም ሳይጠይቀዉ እንዲህ አላቸዉ፡- ከእናንተ ስለ ኃጢአት የሚወቅሰኝ ማን ነው? ዮሐንስ 8:46፣ R.V.—Ibid., p. 287.
ሰኞ
ጥር 29
2. ሕጉ በየሱስ ልብ ውስጥ
ሀ. የሱስ ወደ ምድር ሲመጣ ምን ተዘጋጅቶለታል? ዕብራውያን 10፡5-10
የአለም አዳኝ አክሊሉን ጥሎ፣የንግሥና ልብሱን ጥሎ፣ እና ሰው ሆኖ ወደ ዓለማችን እንዲመጣ ዕቅድ እንጂ አጋጣሚ አልነበረም። በሰው ልጅ ፋንታ ይቆም ዘንድ መለኮታዊነቱን ሰበአዊነትን አለበሰው፣ ሰውነቱ በዘር በአዳም አለመታዘዝ ከወደቀዉ ሰብአዊነት ጋር ተቀላቀለ።”—The Southern Work, p. 85.
ለ. ስለ ክርስቶስ በብሉይ ኪዳን ያለውን ተመሳሳይ ክፍል ስናነብ በልቡ ውስጥ ምን እንደሚሆን ነዉ የተተነበየው? መዝሙረ ዳዊት 40:6-8
ኃጢአትን፣ ሀዘንንና ሞትን ያስከተለው የህግ መተላለፍ ነው። ሰይጣን እግዚአብሄር ለፈጠራቸው ዓለማቶችና ለሰማያዊ አእምሮዎች የእግዚአብሔርን ህግ መጠበቅ የማይቻል መሆኑን እንደሚያረጋግጥ ተናገረ። አዳም ለጠላት ፈተና ተሸንፎ ከከፍታውና ከቅድስናው በወደቀ ጊዜ ሰይጣንና መላእክቱ ደስ አላቸው። ነገር ግን ከእግዚአብሔር ዙፋን በጣም ምስጢራዊ ቃላትን የሚናገር ድምፅ ተሰማ። (መዝሙር 40:6–8 ተጠቅሷል።] ሰው ሲወድቅ ክርስቶስ የሰው ምትክና ዋስ የመሆኑን ዓላማ አስታውቋል።”—The Review and Herald, September 3, 1901.
ሐ. ክርስቶስን ወደ ልባችን ስንቀበል ከእርሱ ጋር የማይነጣጠል ምን እየተቀበልን ነው? መዝሙር 119:70፣ 72፣ 77፣ 174
ከአገልግሎት ጋር የሚያስተሳስረዉ ቀንበር የእግዚአብሔር ሕግ ነው። ሰበአዊ ሠራተኛዉን ከእግዚአብሔር ፍቃድ ጋር የሚያስተሳስረዉ በኤዴን ገነት የተገለጸዉ በሲና ተራራ ላይ በይፋ የታወጀዉና በአዲሱ ቃል ኪዳን መሠረት በሰዎች ልብ ላይ የተጻፈዉ ሕግ ነዉ። የራሳችንን ዝንባሌ እንድንከተልና ፍላጎታችን ወደሚመራን አቅጣጫ ሁሉ እንድንሔድ ቢደረግ ኖሮ የሰይጣን ጭፍራዎችና የእርሱ ባሕርይ አንጸባራቂዎች በሆንን ነበር። ስለዚህ እግዚአብሔር ከፍ ባለዉ፣ በተከበረዉና ወደ ላይ በሚስበዉ ፈቃዱ ክልል ዉስጥ እንድንወሰን አደረገን። የአገልግሎት ተግባራችን በትዕግሥትና በአስተዋይነት እንድንቀበል ፍላጎቱ ነዉ። ክርስቶስ ራሱ የአገልግሎትን ቀንበር ሰዉ ሆኖ ተሸክሞታል።”—የዘመናት ምኞት፣ ገጽ. 332
ጽድቅ ማለት መቀደስ ነዉ፣ እግዚአብሔርንም መምሰል ነው፣ ‹እግዚአብሔር ፍቅር ነው›። 1ኛ ዮሐንስ 4፡16 ከእግዚአብሔር ሕግ ጋር መስማማት ነው፣ ምክንያቱም “ትእዛዛትህ ሁሉ ጽድቅ ናቸው” (መዝሙር 119፡172) እና “ፍቅር የሕግ ፍጻሜ ነው” (ሮሜ 13፡10)። ጽድቅ ፍቅር ነው ፍቅርም የእግዚአብሔር ብርሃንና ሕይወት ነው። የእግዚአብሔር ጽድቅ በክርስቶስ የተገለጠ ነው። እርሱን በመቀበል ጽድቅን እናገኛለን።”—Thoughts From the Mount of Blessing, p. 18.
ማክሰኞ
ጥር 30
3. እንደ ህጉ እና እንደ ነቢያት
ሀ. የሱስ ሕይወቱ እርሱ መሲሕ መሆኑን የሚያሳይ ሕያው ማስረጃ እንደሆነ ለደቀ መዛሙርቱ ሲገልጽላቸው የትኞቹን ጥቅሶች ተጠቅሟል? ሉቃስ 24:27፣ 44
እውነት በአዕምሯቸው ጠንካራ ሥር እንዲሰድ የተመኘው በራሱ ግላዊ ምስክርነት በመደገፋቸው ምክንያት ብቻ ሳይሆን እርግጥ በሆኑት፣ ወደፊት ሊሆን ላለው ጠቋሚ በነበረው የሕጉ ተምሳሌቶችና ጥላዎች፣ እንዲሁም በብሉይ ኪዳን ትንቢታት ጭምር ነበር። የክርስቶስ ተከታዮች በእውቀት ላይ የተመሠረተ እምነት ያስፈልጋቸዋል፤ ይህም ለግላቸው ብቻ ሳይሆን የክርስቶስን እውቀት ወደ ዓለም እንዲያሰራጩት ነው። ይህንንም እውቀት ለማካፈል እንደመንደርደሪያ ክርስቶስ ደቀ መዛሙርቱን ወደ “ሙሴና ነብያት” አመላከታቸው። የብሉይ ኪዳን መጻሕፍት አስፈላጊነትና ዋጋ፣ በእንዲህ መልኩ በተነሳው አዳኝ ምስክርነት ምን ያህል እንደሆነ ታይቷል።”—The Great Controversy, p. 349.
ለ. ደቀ መዛሙርቱ የወንጌልን መልእክት ሲሰብኩ የሱስ ቃል የተገባዉ መስሑ መሆኑን ያረጋገጡት እንዴት ነው? የሐዋርያት ሥራ 28:23
የእግዚአብሔር መንፈስ ከተነገሩት ቃላት ጋር አብሮ ነበር፣ እናም ልቦች ተነኩ። ሐዋርያው ከብሉይ ኪዳን ትንቢቶች ያቀረበው ማስረጃ እና እነዚህም በናዝሬቱ የሱስ አገልግሎት ፍጻሜያቸውን እንዳገኙ መናገሩ ተስፋ የተጣለበትን መሲሕ መምጣትን የሚናፍቁ ብዙ ነፍሳትን አምጥቷል። “የድኅነት የምሥራች” ለአይሁድም ለአሕዛብም እንደ ሆነ የተናገረ የኤርምያስ ማረጋገጫ ቃል በሥጋ ከአብርሃም ልጆች ጋር ላልተቆጠሩት ተስፋንና ደስታን አምጥቷል።”—The Acts of the Apostles, pp. 172, 173.
ጳውሎስ ለተሰሎንቄ ሰዎች ሲሰብክ፣ ስለ መሲሑ የተነገሩትን የብሉይ ኪዳን ትንቢቶችን አቀረበ። ክርስቶስ በአገልግሎቱ ውስጥ ለእነዚህ ትንቢቶች የደቀ መዛሙርቱን አእምሮ ከፈተላቸው። ከሙሴና ከነቢያት ሁሉ ጀምሮ ስለ እርሱ በመጻሕፍት ሁሉ አብራራላቸው። ሉቃስ 24፡27 ጴጥሮስ ክርስቶስን ሲሰብክ ማስረጃውን ከብሉይ ኪዳን አሳይቷል። እስጢፋኖስም ተመሳሳይ አካሄድ ተከትሏል። እና ጳውሎስ በአገልግሎቱ የክርስቶስን ልደት፣ መከራ፣ ሞት፣ ትንሳኤ እና ዕርገት የሚናገሩትን ቅዱሳት መጻህፍት ያቀርብ ነበር። በሙሴና በነቢያት በመንፈስ ቅዱስ አነሳሽነት የሰጡት ምስክርነት የናዝሬቱን የሱስ መሲሑ መሆኑን በግልጽ አረጋግጧል፤ ከአዳም ዘመን ጀምሮ በአባቶችና በነቢያት ሲናገር የነበረው የክርስቶስ ድምፅ እንደሆነም አሳይቷል።”—Ibid., pp. 221, 222.
ረቡዕ
የካቲት 1
4. ህግ እና እምነት
ሀ. በየሱስ እንደ ግል አዳኛችን ማመን ሕጉን ያስወግዳልን? ከሆነ ለምን ወይም ካልሆነስ ለምን አይሆንም? ሮሜ 3፡31
ለ. በትዕዛዝ ጠባቂዎች ላይ ምን በረከት ተነግሯል? ራእይ 22:14
የእግዚአብሔርን ትእዛዛት በመተላለፍ በአዳምና በሔዋን ላይ እርግማን ወረደባቸው፣ እናም የሕይወትን ዛፍ የማግኘት መብታቸውን ተነፍገዋል። ክርስቶስ ሰውን ለማዳን ሞቷል፣ ነገር ግን የእግዚአብሔርን ህግ ክብር ይጠብቃል። “ወደ ሕይወት ዛፍ ለመድረስ ሥልጣን እንዲኖራቸው በደጆችዋም ወደ ከተማይቱ እንዲገቡ ትእዛዙን የሚያደርጉ ብፁዓን ናቸው” ይላል። የእግዚአብሔር ልጅ እዚህ ላይ የእግዚአብሔርን ትእዛዛት መፈጸም ለሕይወት ዛፍ የመብት ቅድመ ሁኔታ አድርጎ አቅርቧል። የእግዚአብሔርን ትእዛዛት መተላለፍ ሰውን ወደ ሕይወት ዛፍ የመድረስ መብትን ያሳጣል። ክርስቶስ የሞተው በደሙ አማካኝነት ለእግዚአብሔር ህግ መታዘዙ ሰውን ለሰማያዊው በረከት ብቁ እንዲሆን እና እንደገናም ለሕይወት ዛፍ መብት እንዲሰጠው ነው።”—Spiritual Gifts, vol. 3, p. 88
በብርጭቆዉ ባህር ላይ እየተራመድን ወደ ከተማዋ መግቢያ በራፍ ስናመራ መላዕክት ከበዉን ነበር። የሱስ ኃያልና ባለግርማ ክንዱን አንስቶ ያንን የተንቆጠቆጠ በራፍ በመክፈት “ልብሶቻችሁን በደሜ በማጠባችሁን ለእዉነትም በጽናት ለመቆማችሁ - እነሆ ግቡ” አለን። እኛም ሁላችን ወደ ዉስጥ በማለፍ ከተማዋ የመግባት በእርሷ ላይ ፍጹም ባለ መብት እንደሆንን ተሰማን።”—ቅድመ ጽሑፎች፣ ገጽ. 17.
ሐ. ይህ አምላክ ፈጽሞ እንደማይለወጥ የሚያሳየው እንዴት ነው? ዕብራውያን 13፡8
ግዴታችንን በታማኝነት ከተወጣን የሱስ ታላቅ ነገርን ያደርግልናል። ፈቃዳችንን ለእግዚአብሔር ፈቃድ ማስገዛት አለብን። ትንንሽ ነገሮች ብለን በምንጠራቸው ነገሮችም ቢሆን ጌታን ሁሉንም ትእዛዛቱን በመታዘዝ ማክበር አለብን። እውነት፣ ልክ እንደ መለኮታዊው ደራሲዉ፣ በሚፈለገው መስፈርት የማይለወጥ ነው፣ ትናንትም፣ ዛሬም እና ለዘላለም ያው ነው። ከሰዎች ወጎች ጋር አይጣጣምም፣ ከአስተያየታቸው ጋር አይጣጣምም። እውነት በእግዚአብሔር ሕዝብና በዓለም መካከል መለያየትን አምጥቷል። ይሁን እንጂ ቀደም ባሉት ዓመታት፣ ለአምላክ የተለየ ሕዝብ በመሆናችን በአምላክ ዘንድ ተቀባይነትን ካገኘን ታዲያ እርሱ አሁን ያለንበትን ቦታ እንዴት ይመለከተዋል? ከቀድሞ ቀላልነታችን ከተውን በኋላ መንፈሳዊነትን አግኝተናልን?”—The Signs of the Times፣ May 25, 1882.
ሐሙስ
የካቲት 2
5. በልብ ውስጥ ተጽፏል
ሀ. የሱስ ባደረገበት መንገድ የእግዚአብሔር ሕግ በሕይወታችን ውስጥ እንዴት ሊናሳይ እንችላለን? ዕብራውያን 10:16፤ 8፡10።
እግዚአብሔር የተቀደሰዉን ሕጉን የሰጠን ሰበአዊ ዘርን ስለሚወድ ነዉ። እኛ ሕግን በመተላለፍ ከሚደርስብን ጥፋት እንድንድን ሲል የጽድቅ መርሖችን ይገልጽልናል። ሕግ የእግዚአብሔር ሀሳብ መግለጫ ነዉ፤ እኛም ሕጉን በክርስቶስ አማካይነት ስንቀበል የእኛ ሀሳብ ይሆናል። ለተፈጥሯዊ ምኞቶች፣ መጥፎ ዝንባሌዎችና ወደ ኃጢአት ለሚመሩን ፈተናዎች ተገዥ እንዳንሆን ያደርገናል።”— የዘመናት ምኞት፣ ገጽ. 306
ለ. ይህን የሰማይ ጉዞ ከመጀመራችን በፊት እንኳን እግዚአብሔር ምን ያሳየናል? 1ኛ ዮሐንስ 4:19፣ 8
ምድርም ስለእግዚአብሔር በትክክል ካለ፤መረዳት የተነሳ ጨለመች። ጨለማዉ እንዲገፍና ዓለምም ወደ እግዚአብሔር እንድትመለስ ለማድረግ የሰይጣን ኃይል መሻር ነበረበት። ይህም በኃይል አልነበረም የሚፈጸመዉ። በኃይል መጠቀም ከእግዚአብሔር መንግሥት መርሖ ጋር ይጋጫል። እግዚአብሔር የሚሻዉ ከፍቅር የመነጨ አገልግሎትን ነዉ። ፍቅር በትዕዛዝ ወይም በኃይል አይገኝም። ፍቅር የሚገኘዉ ከፍቅር ነዉ። እግዚአብሔርን ማወቅ ማለት እርሱን ማፍቀር ነዉ። ይህን ሥራም ሊያደርግ የቻለዉ በዩኒቨርስ ብቸኛና ሕያዉ የሆነዉ ፈጣሪ ብቻ ነዉ። የእግዚአብሔርን ፍቅር ስፋትና ጥልቀት ለመግለጽ የሚችለዉ ይህን ፍቀር ያወቀ ብቻ ነዉ።”—ኢቢድ፣ ገጽ. 11.
ሐ. ይህ የእግዚአብሔር ፍቅር በልባችን ውስጥ ካደረ በኋላ ምን ሊሆን ይችላል? ዮሐንስ 14፡15-17
አርብ
የካቲት 3
የግል የግምገማ ጥያቄዎች
1. የሱስ በሰው ልጆች መካከል ሲኖር የእግዚአብሔርን ባሕርይ የጠበቀው እንዴት ነው?
2. በእውነተኛ አማኞች ዘንድ ተመሳሳይ የክርስቶስ ባሕርይ እንዴት ይገለጣል?
3. የሱስ መሲሕ መሆኑን በትክክል ለማመን ከየትኞቹ ትንቢቶች ጋር በደንብ መተዋወቅ አለብን?
4. ኃጢአተኛ የሰው ልጆች በኃጢአት የተከለከሉበትን የሕይወት ዛፍ የማግኘት መብት እንዴት ሊያገኙ ቻሉ?
5. እውነተኛ ታዛዥነትን ማግኘት የምንችልበት ብቸኛው መንገድ ምንድን ነው?