Недела
7. август
1. БРЗО ЗБОГАТУВАЊЕ
а. Каков ќе биде резултатот од учеството во шеми за брзо збогатување? Изреки 21:5.
„Духот на профитерство, желбата за брзо збогатување, духот на таа световност што проголтува сè, е во болно спротивност со нашата вера и нашите доктрини“. – Counsels on Stewardship, pp. 231, 232.
б. Зошто христијанскиот управител работи за вечно богатство наместо да учествува во шеми за брзо збогатување? Псалм 37:7.
„Видов колку будно сатаната ги забележува цртите на себичност и лакомост кај некои што ја исповедаат вистината, а потоа ги искушува опсипувајќи го со благосостојба нивниот животен пат и нудејќи им овоземни богатства. Тој добро знае дека тие, доколку не ги победат своите природни склоности, неизбежно ќе се сопнат и ќе паднат служејќи му на мамонот - на својот омилен идол. На тој начин тој често ја остварува својата цел. Силната љубов кон светот ја надвладува и просто ја проголтува љубовта кон вистината. Царството на овој свет им се нуди на таквите верници и тие грчевито се фаќаат за своето богатство мислејќи дека тоа е чудесен успех. Сатаната ликува, бидејќи успеал во својата намера. Поради љубовта кон овој свет, тие се одрекуваат од љубовта кон Бога“. – 1 Сведоштво, 142.
Понеделник
8. август
2. БОГАТСТВО СТЕКНАТО СО РАБОТА
а. Која е разликата помеѓу шемата за брзо збогатување и правилно вложување на средства? Изреки 28:20; 31:16,24.
„Многу пати кога Господ отвори пат на браќата да ракуваат со своите пари во корист на Неговото дело, агентите на сатаната ќе укажат на некој потфат во кој браќата би ги дуплирале своите средства. Браќата се фаќаа на таа стапица, ги вложуваа своите пари, а честопати од тоа не добиваа ниту денар“. – 5 Сведоштво, 154.
„Секое движење... што буди желба за брзо збогатување преку шпекулации, го одвлекува вниманието на луѓето од најсвечените вистини што некогаш им биле дадени на смртниците. Можеби за некое време ќе се појават охрабрувачки изгледи, но на крајот сето тоа завршува со неуспех. Господ не поддржува такви движења. Доколку ова дело било одобрено, многумина би биле привлечени од овие шпекулативни планови, кои на никаков друг начин не би можеле да се одвлечат од работата на изнесување на свечените вистини кои мора да им се дадат на луѓето во овој момент“. – Counsels on Stew¬ardship, pp. 234, 235.
„Работата е благослов, а не проклетство. Вредната работа штити мнозина, млади и стари, од замките на оној кој секогаш наоѓа некое зло за рацете без работа. Никој не треба да се срами од работата, бидејќи чесната работа облагородува. Додека рацете се зафатени со најобични задачи, умот може да биде исполнет со возвишени и свети мисли“. – The Youth’s Instructor, February 27, 1902.
б. Зошто луѓето често се во искушение да се вклучат во шпекулативни финансиски потфати? Изреки 27:20.
„Покажано ми е дека нашите луѓе со вакви шпекулативни работи се впуштаат во многу опасен експеримент. На тој начин тие сами се ставаат на подрачјето на непријателот и неизбежно доживуваат големи искушенија, разочарувања, тешкотии и загуби. Тоа внесува во душата немир, неодолив копнеж да се заработи повеќе и побргу отколку што е можно под постоечките услови. Во копнеж и надеж да остварат поголема добивка тие го менуваат опкружувањето. Но нивните очекувања често не се остваруваат и тие стануваат обесхрабрени бидејќи и материјално назадуваат повеќе отколку што напредуваат... Тие отстапуваат од Бога“. – 4 Сведоштво, 617.
Вторник
9. август
3. ПРЕПОЗНАЈТЕ ЈА СТРАТЕГИЈАТА НА НЕПРИЈАТЕЛОТ
а. Дури и во брзото време во кое живееме, што е тоа што Бог ни дава милосрдно - и зошто? Проповедник 3:1.
„Вредноста на времето не може да се пресмета. Христос секој миг го сметал за драгоцен, и ние мора да го третираме така. Животот е краток за да се потроши напразно. Имаме само кусо време на милост за да се подготвиме за вечноста. Немаме време за губење, немаме време за себични уживања, немаме време да уживаме во гревот...
Нашето време му припаѓа на Бога. Секој миг е Негов, и ние сме под најсвечена обврска да го искористиме за Негова слава. Ниту за еден талент што ни го дал, Бог нема да бара построга сметка отколку за на нашето време“. – Христовите поуки, 342.
б. Кои фактори треба да ги земеме предвид додека планираме како да го искористиме времето? Јаков 4:13-15.
в. Што треба да сфатиме додека се трудиме да го унапредиме Божјото дело? 1 Петрово 5:8.
„Немаме време за губење. Силите на темнината работат со интензивна сила, а сатаната напредува со подмолни чекори и, како волк што го зема својот плен, ги демне оние што сега спијат. Имаме предупредувања што сега можеме да ги објавиме и работа која сега можеме да ја извршиме, но наскоро ќе биде потешко отколку што можеме да замислиме. Нека Бог ни помогне да останеме во каналот на светлината, да работиме со поглед вперен во нашиот Водач, и да работиме трпеливо и упорно додека нѐ извојуваме победа“. – The Review and Herald, November 12, 1914.
г. Што нè учи вдахновението за борбата што претстои? Ефесјаните 6:12; Матеј 24:12,13.
„Со зголемена ревност и енергија треба да го продолжиме делото на Господ до крајот на времето“. – Counsels to Parents, Teachers, and Stu¬dents, p. 548.
Среда
10. август
4. БИДЕТЕ КОРИСНИ
а. Наместо да се занимаваме со шпекулативни шеми за брзо збогатување, што треба да правиме со талентите што ни се доверени? Лука 19:13.
„Господ ни заповеда на сите: ‘Тргувајте со нив, додека да се вратам’ (Лука 19:13). Со Својата мудрост Тој ни дал упатства за користење на Неговите дарови. Талентите на говорот, памтењето, влијанието, имотот треба да се користат за слава на Бога и унапредување на Неговото царство. Тој ќе ја благослови правилната употреба на Неговите дарови“. – Counsels on Stewardship, p. 116.
„Без разлика колку е голем или мал имотот на секој човек, нека не заборави дека тој му е доверен. Тој мора да му даде отчет на Бога за своите сили, вештини, време, таленти, способности и средства. Ова е индивидуална работа; Бог ни дава за да станеме како Него - дарежливи, благородни, добротворни, давајќи им на другите. Оние кои, заборавајќи на својата божествена мисија, бараат само како да заработат или трошат, препуштајќи се на гордоста или себичноста, за да ги обезбедат придобивките и задоволствата на овој свет, но во Божји очи, судејќи според нивните духовни достигнувања, тие се сиромашни, бедни, проколнати, слепи и голи.
Кога се користи правилно, богатството станува златна врска на благодарност и наклонетост меѓу човекот и неговиот ближен и цврста врска која ги продлабочува неговите чувства кон Откупителот“. – The Review and Herald, May 16, 1882.
б. Што можеме да научиме од искуството на Соломон? Проповедник 2:10,11.
„Мораме да се одвратиме од илјадници теми што го привлекуваат нашето внимание. Некои теми одземаат време и ја будат нашата љубопитност, но всушност не водат никаде. Највисоките интереси ги бараат нашето најголемо внимание и енергија, кои толку често се посветуваат на релативно безначајни работи“. – Здравје и среќа, 456.
„Енергијата што сега се концентрира на евтини и минливи добра треба да се искористи во делото што треба да го просветли светот. Нека секоја енергија што Бог ја дал биде искористена во делото што носи благословено задоволство и за овој живот и за вечноста“. – Manuscript Releases, vol. 6, p. 267.
„Кога Господ дава налог за извршување на некоја задача, луѓето не треба да стојат и да се прашуваат дали е разумна заповедта и какви ќе бидат последиците ако ја послушаат. Можеби она што го имаат во рацете ќе изгледа недоволно да се задоволат потребите, но од рацете Господови ќе дојде и ќе претекне“. – Пророци и цареви, 243.
Четврток
11. август
5. СТЕКНАТ ИМОТ
а. Зошто ставот на богатиот и безумен човек со амбарите е предупредување за нас? Лука 12:16-21.
„Таканаречениот Божји народ жалосно го закинува Бога со ускратување на средствата. Средствата и напорите што треба да му се посветат на Христа се посветуваат на самозадоволување. На Бога му се ускратува времето, парите и службата. Самољубието, самозадоволството, ја исклучуваат Исусовата љубов од душата и затоа во црквата нема поголема ревност и погорлива љубов кон Оној кој прв нè засакал. Толку многу луѓе се препуштаат на себичното задоволство, додека душите за кои Христос умрел гинат.
Затоа Господ не може да ѝ ја даде на Својата црква полнотата на Својот благослов онака како што би сакал... Неговиот благослов не може да се излее во целост додека нејзините членови се толку расипани од духот и обичаите на светот“. – The Signs of the Times, December 22, 1890.
б. Кога размислуваме за цената што е платена за нашиот откуп, што пред се треба да имаме на ум? 1 Коринтјаните 3:23; 6:20.
„Без разлика дали на Бога ќе му го дадеме нашиот ум, нашата душа и нашата сила или не, сѐ му припаѓа Нему. Бог му зборува на секое човечко суштество, велејќи: ‘Имам право на тебе. Дај ми ја твојата ревност, твојата способност, твојата енергија и твоите средства’. Тој има право да го бара тоа, бидејќи ние сме Негови, откупени со Неговата безгранична љубов и преку страдање на крстот на Голгота од служењето на гревот. Во никој случај не треба да ја посветуваме нашата енергија за да си служиме себеси. Секој ден треба да му го враќаме на Господ она што Тој ни го доверил“. – The Signs of the Times, January 2, 1901.
Петок
12. август
ЛИЧЕН ПРЕГЛЕД НА ПРАШАЊАТА
1. Каков ќе биде резултатот од учеството во шеми за брзо збогатување?
2. Како треба да го стекнеме своето богатство?
3. Што треба да нѐ мотивира да работиме за Христа?
4. Наведете неколку начини на кои можеме да станеме поверни чувари на нашите финансии.
5. Што е тоа што премногу често ја исклучува Христовата љубов од моето срце?