Дар во првата сабота за црква и црковно училиште во Dibrugarh, Assam, Индија

Пораката на Реформацијата дошла во североисточниот регион на Индија во 1980-тите години кога братот Д. Сурешкумар им служел на луѓето во оваа област. Со Божја милост, сè уште имаме браќа во најсеверниот дел на Dibrugarh, град делумно познат по својата нафтената индустрија, што исто така се наоѓа во рамките на огромната заедница на плантажи со чај каде живеат и работат разни локални племиња.

Dibrugarh се наоѓа во државата Assam, која е јужно од источните Хималаи покрај долините на реките Brahmaputra и Barak. Државата зафаќа површина од 78.438 км2, и се граничи со Бутан и Arunachal Pradesh на север, Nagaland и Manipur на исток, Meghalaya, Tripura, Mizoram и Бангладеш на југ и Западен Бенгал на запад преку коридорот Siliguri, 22 километри долг и тесен дел од земјата што ја поврзува со остатокот од Индија.

Assam е една од најнаселените области во светот и во моментот живеат приближно 31 милион луѓе, што претставува зголемување за скоро 17% во последните 10 години. Според пописот од 2011. година, 61,47% од жителите се хиндуси, 34,22% се муслимани и 3,7% се христијанско малцинство. Потоа следуваат другите религии, вклучувајќи ги џианизмот (0,1%), будизмот (0,2%), сикизам (0,1%) и анимизам. Официјален и најзастапен јазик е асамскиот, а по него следува бенгалскиот.

Заедницата на работниците на плантажите со чаеви се проценува на околу 6,5 милиони луѓе, од кои се проценува дека околу 4 милиони живеат во станбени населби изградени во рамките на 799 чајни имоти, кои се простираат низ регионите за одгледување чај ширум Assam. Останатите 2,5 милиони луѓе живеат во околните села. Тие не припаѓаат на една етничка група, туку се состојат од различни етнички групи кои зборуваат десетици јазици со одредено асамско влијание и припаѓаат на различни култури.

Наша цел е да го промовираме вечното евангелие тука со градење на црква и црковно училиште во Dibrugarh. Овој споменик на Господ треба да претставува сјајна светлина за овој регион, така што ни е потребна вашата помош. Затоа од срце апелираме до сите наши браќа, сестри и млади дарежливо да даруваат средства за овој проект, „па во сè да се збогатите за секаква дарежливост, која преку нас предизвикува благодарност кон Бога“ (2. Коринтјаните 9:11). За вашата љубезна помош ви изразуваме голема благодарност и ви праќаме срдечни поздрави.

Вашите браќа и сестри од Dibrugarh