Sa kabisi sa modernong kinabuhi, dali ra kaayo nga ang atong mga panimalay mahimo lang nga mga dapit diin kita matulog ug mokaon. Apan, gitawag sa Bibliya ang panimalay nga pangunang sentro sa espirituhanong pagtubo. Ang personal nga adlaw-adlaw nga debosyon nagahatag kusog pag-usab sa atong tagsa-tagsa ka kalag, apan ang pagsimba sa pamilya naghiusa sa atong mga kasingkasing. Sa dihang ang usa ka pamilya magkatigum aron mag-ampo ug magbasa sa Kasulatan, nagtukod sila og usa ka “espirituhanong greenhouse” diin ang mga bata ug mga hamtong pareho nga magalambo diha sa grasya sa Dios.
Sa Deuteronomio 6:6, 7 gisugo sa Dios ang Iyang katawhan:
“Ug kining mga pulonga, nga gisugo ko niining adlawa, magapaibabaw sa imong kasingkasing: Ug igatudlo mo kini sa dakung kakugi sa imong mga anak, ug magasulti ka mahitungod niini sa magalingkod ikaw sa imong balay, ug sa magalakaw ikaw sa dalan, ug sa imong paghigda ug sa imong pagbangon..” Kini nga mga pulong nagpadayag og usa ka sumbanan sa debosyon nga naglangkob sa tibuok adlaw—nagsugod sa buntag ug nagtapos sa gabii. Ang presensya sa Dios ang magiya sa atong unang hunahuna sa kabuntagon ug sa atong katapusang paghunahuna sa gabii, nga naghulma sa atong tibook nga adlaw. Pinaagi sa tinuyo nga pag-gahin ug panahon sa pagsugod ug pagtapos sa matag adlaw, atong gipalig-on ang atong kinabuhi Kaniya ug nagpabilin nga maalerto sa iyang giya ug pag-atiman.
Pagsimba sa Kabuntagon
Ang debosyon sa kabuntagon nagtino sa direksyon sa adlaw. Ang pagsugod sa adlaw uban sa Dios nagtino sa dagan sa tanan nga mosunod. Gihimo niini nga mapahiuyon ang kasingkasing uban sa Iyang kabubut-on, giimbitar ang Iyang presensya sa adlaw-adlaw nga mga buluhaton, ug naghatag og espirituhanong kusog alang sa mga hagit nga umaabot.
“Unsa ka maayo nga tigumon sa mga ginikanan ang ilang mga anak sa ilang palibot sa wala pa namahaw, aron pasalamatan ang langitnong Amahan sa Iyang pagpanalipod sa tibuok gabii, ug aron mangayo kaniya sa Iyangtabang, giya, ug pagbantay sa tibuok adlaw!” 1
Pagsimba sa Kagab-ihon
Ang pagtapos sa adlaw uban sa Dios naghatag og kahigayunan alang sa pagpamalandong, pagpasalamat, paghinulsol, ug kalinaw. Makatabang kini sa mga pamilya nga buhian ang ilang mga kabug-aton, magpinasayloay, ug magpahulay sa pag-atiman sa Dios. Ang pamilya nga nagkahiusa sa pag-ampo, magkahiusa sa paguswag
“Unsa kaha kaangayan nga sa pag-abot sa gabii, nga ang mga ginikanan ug mga anak magtigom pag-usab sa atubangan Niya ug magpasalamat Niya sa mga panalangin sa adlaw nga milabay!” 2
“Sa panahon sa pagsimba sa gabii, ipasusi pag-ayo sa matag myembro sa pamilya ang ilang kaugalingong kasingkasing. Ayuha ang tanang sayop nga nabuhat.Kung,satibuokadlaw,adunaynakasalasauban,onakasultiog dili maayo, mangayo ang nakasala og pasaylo sa nasamaran.” 3
Kini nga adlaw-adlaw nga kina-iya nagpakita sa karaang buhat sa padayon nga debosyon, nga nag-ila nga ang matag adlaw iya sa Dios gikan sa sinugdanan hangtod sa katapusan.
Ngano nga importante ang pagsimba sa buntag ug sa gabii
Nakatabang kini sa pagpalig-on sa panaghiusa sa pamilya ug nagdala og kalinaw ug kalig-on, kay ang paggahin ug panahon nga mag-uban kaduha sa usa ka adlaw nagpalambo sa komunikasyon, gugma, ug pagtinabangay sa tumong. Gipalig-on niini ang panag-uban sa paagi nga dili mahimo sa kasagarang pakig-uban.
Nakatabang kini sa paghulma sa pagtuo sa mga kabataan tungod kay makat-on sila pinaagi sa ehemplo. Ang pagtan-aw nga ang Dios usa ka prayoridad sa adlaw-adlaw nga kinabuhi nagtudlo kanila nga ang pagtuo dili optional—hinuon, kini ang sentro sa kinabuhi.
Nakatabang kini sa pagtukod og espirituhanong pagkamakanunayon ug pagdaog sa mga tintasyon pinaagi sa paghimo nga ang pagtuo kabahin sa adlaw-adlaw nga kinabuhi, dili nga usahay lang, naghatag sa adlaw og lig-on nga pundasyon. Nagpahinumdom kini sa tanan nga ang Dios ang nag gahum.
“Pinaagi sa matinud-anon ug mainiton nga pag-ampo, ang mga ginikanan kinahanglan magtukod og kural sa palibot sa ilang mga anak.
Kinahanglan mag-ampo sila uban sa hingpit nga pagtuo nga ang Dios mosunod uban kanila ug nga ang mga balaang anghel magbantay kanila ug sa ilang mga anak gikan sa mabangis nga gahum ni Satanas.”4
Kung ang mga pamilya magsugod ug motapos sa ilang adlaw uban sa Dios, giimbitar nila ang Iyang presensya sa matag higayon taliwala niini. Ug pinaagi niini, nagatukod sila dili lang ug mas lig-on nga panimalay, kondili mas lawom ug malungtaron nga pagtuo.
“Apan alang kanako ug sa akong balay, kami magaalagad kang Jehova.”(Josue24:15)
ATONG PAMALANDUNGON
- Kanus-a man ang atong pamilya natural nga mohunong alang sa Ginoo — sa buntag, sa gabii, o wala gayud?
- Unsa kaha ang gamay ug balik-balik nga lakang nga makahimo sa atongpanimalayngamahimongdapitsapagsimbasamatagadlaw karong semanaha?
- Unsa kaha ang mausab kanato kon ang matag adlaw tinuod nga magsugod ug motapos uban sa Ginoo?